ဘာမှမရှိလို့ နတ္ထိ ခေါ်ရစတမ်းဆို
ရှိနေခြင်းကနေ ပျောက်ကွယ်သွားတာကို ဘယ်လိုခေါ်မလဲ
ဗလာဆိုတာ နတ္ထိမဟုတ်
မရှိခြင်းကသာလျှင် နတ္ထိ လို့ ဆိုချင်တယ်...

ဆုံးရှုံးမှုတစ်ခုဟာ ထုထည်ကြီးမား
သတင်းကြားခဲ့ရ ငါ...
နတ္ထိကိုဗလာဖွဲ့လို့
မရှိခြင်းတွေ ဆန်းစစ်ကြည့်တဲ့အခါ...
စကားလုံးအားတွေ ရုန်းကြွခဲ့
ခေတ်ကို ပျိုနုစေခဲ့
ရာဇဝင်ကို နိုးထစေခဲ့
ရှင်သန်နေဆဲ တေးသွားတွေ...

ဒီ...
ကွင်းပြင်ကြီးမှာ
လွင့်ပါမြောနေ...

ဒီ...
မြက်ခင်းစိမ်းများပေါ်မှာ
လူးလွန့်ကူးခတ်...

ဒီ...
ကောင်းကင်ကြီးထဲ...
မိုးတိမ်တွေလို အမြဲပျံသန်း...

ဒီ...
အခန်းထဲမှာ...
... .... ...... ......... ..........
.......... ......... ...... .... ...
ဘာ..မှ... မရှိတော့ဘူး...

ကြေ... ကွဲ... စရာများလည်း
အငွေ့ပျံသန်း
ငါ့ရဲ့နတ္ထိအခန်းထဲမှာ
နှုတ်ဆက်တေးသီချင်းတွေ
ငိုကြွေးနေ။ ။