မေး။ ။ တောင်းဆိုချင်တာလေးများရှိလို့ ဘယ်ကိုဆက်သွယ်ရမလဲ။

ဖြေ။ ။ ဤဘလော့ဂ်၏ ဆက်သွယ်ရန် အညွှန်းစာမျက်နှာပါ form ကိုဖြည့်ပြီး စာရေးသူကို တိုက်ရိုက်ဆက်သွယ်နိုင်ပါ သည်။

မေး။ ။ PDF စာအုပ် ဒေါင်းလုဒ်လင့်များ ဘယ်နေရာမှာ ရနိုင်ပါလဲ။

ဖြေ။ ။ ဘာသာပြန်သိုင်းစာအုပ်များတွင် မူရင်းစာရေးသူ (သို့) ထုတ်ဝေသူ ထံ၌မူပိုင်ခွင့်အပြည့်အဝ ရှိနေပါသည်။ ထို့ကြောင့် PDF ဖြင့် ဒေါင်းလုဒ် လင့်ခ်များကို ဖျက်သိမ်းပြီးဖြစ်ပါသည်။ ဤဘလော့ဂ် စာမျက်နှာများပေါ်တွင်သာ စာသားများဖြင့် ရေးတင်ပေးသွားမည်ဖြစ်ပြီး PDF အနေနှင့် မရနိုင်တော့ပါ။

မေး။ ။ ဤဘလော့ဂ်စာမျက်နှာများမှ စာသားများကို ကူးယူ၍ ကိုယ်တိုင် PDF ပြုလုပ်နိုင်ပါသလား။

ဖြေ။ ။ အချက်နှစ်ချက်ရှိပါသည်။ (၁)... ဤဘလော့ဂ်ရှိ ပင်ကိုရေးစာမူများကို (လုံးဝ) မပြုလုပ်သင့်ပါ။ အဘယ်ကြောင့်ဆိုသော် U.S. Copyright and Trademark Laws အရ ၁၉၈၉ ခုနှစ်မှစ၍ မည်သည့်ပုံစံဖြင့် ပုံနှိပ်ခြင်းဖြစ်စေ မူရင်းစာရေးသူထံတွင် အလိုလျောက် မူပိုင်ခွင့်ရပြီးဖြစ်ပါသည်။ မူပိုင်ခွင့်မှတ်ပုံတင်ရုံးတွင် မူပိုင်ခွင့်တင်စရာမလိုအပ်ပါ။ သို့သော် အချို့စာသားများကို ကြိုက်နှစ်သက်၍ မိမိတို့၏ ဘလော့ဂ်များ၊ အခြားလူမှုဆက် သွယ်ရေးကွန်ယက်များတွင် ဤဘလော့ဂ်မှ ပင်ကိုရေးစာမူ (များ) ကို ကူးယူဖော်ပြချင်ပါက မူရင်းစာရေးသူထံတွင် အရင်ဆုံးခွင့်ပြုချက် တောင်းခံ ရပါမည်။ (၂)... ဘာသာပြန်စာမူများတွင် ယခုချိန်ထိ မူရင်းစာရေးသူထံ၌သာ မူပိုင်ခွင့်အပြည့်အဝ ရှိနေပါသည်။ ဘာသာပြန်သူသည် နောင် တစ်ချိန်တွင် မူရင်းစာရေးသူ၏မိသားစု (သို့) ထုတ်ဝေသူထံမှ မူပိုင်ခွင့်တရားဝင်တောင်းခံပြီး စက္ကူစာအုပ် နှင့် အီလက်ထရောနစ်စာအုပ် ထုတ်ဝေ ရန် အစီအစဉ် ရှိနိုင်ပါသည်။ ထို့ကြောင့် ဘာသာပြန်ဆိုသူ (လောဘူနာမည်ဖြင့်) ဝေမျှပြီးဖြစ်သော PDF စာအုပ်များကို ကွန်ယက်ပေါ်တွင် နောက် ထပ် ဝေမျှပေးခြင်းမပြုလုပ်ကြပါရန် မေတ္တာရပ်ခံအပ်ပါသည်။ ထို့အတူ မိမိတစ်ဦးတည်း ဖတ်ချင်၍သော်လည်းကောင်း၊ PDF စာအုပ်အဖြစ် သိမ်းထားချင်၍သော်လည်းကောင်း ဤဘလော့ဂ်၏ စာမျက်နှာများပေါ်မှ ဘာသာပြန်စာမူများကို ကူးယူမည်ဆိုပါကလည်း ဘာသာပြန်သူထံ အရင်ဆုံးဆက်သွယ်ရန် အကြံပြုလိုပါသည်။

မေး။ ။ အခြားစာအုပ်များတင်ပေးရန် တောင်းဆိုချင်ပါသည်။

ဖြေ။ ။ ဤဘလော့ဂ်တွင် စာရေးသူ ကလောင်နာမည် (စိုင်းနော်) နှင့် အခြားမိတ်ဆွေများ၏ ပင်ကိုရေးစာမူများနှင့် ဘာသာပြန်စာမူများကိုသာ ဇောင်းပေးတင်ဆက်ပေးသွားမည်ဖြစ်ပြီး အခြားမည်သည့် စာရေးဆရာ(များ)၏ စာအုပ်များကို ဒေါင်းလုဒ်လင့်ခ်များဖြင့် တင်ဆက်ပေးသွားရန် အစီအစဉ် (လုံးဝ) မရှိပါ။

မေး။ ။ မိမိတို့ မှတ်ချက်ရေးထားခဲ့သည်ဖြစ်စေ၊ ShoutMix ထဲတွင် စကားပြောခဲ့ကြသည်ဖြစ်စေ၊ လူမှုဆက်သွယ်ရေးကွန်ယက်များတွင် ပါဝင်အားပေးသည်ဖြစ်စေ၊ မိမိတို့၏ ကိုယ်ရေးအချက်အလက်များ လုံခြုံမှု ရှိပါသလား။

ဖြေ။ ။ ဤဘလော့ဂ်ပေါ်တွင် မှတ်ချက်များရေးသားခဲ့ရာတွင်လည်းကောင်း၊ စာရေးသူကို ဆက်သွယ်သော အီးမေးလ်များကိုသော်လည်းကောင်း စာရေးသူသည် ဆက်သွယ်မှတ်ချက်ပေးခဲ့သူများ၏ အမည်နှင့် ကိုယ်ရေးအချက်အလက်များကို မည်သည့်အကြောင်းနှင့်မျှဖြစ်စေ၊ မည်သည့် ကြားခံနယ်များကိုအသုံးပြု၍ဖြစ်စေ ထပ်ဆင့်ဝေမျှ ဖြန့်ဖြူးသွားမည်မဟုတ်ပါ။ ShoutMix နှင့် ကျန် လူမှုဆက်သွယ်ရေးကွန်ယက်များတွင် အသုံးပြုသူများ၏ ကိုယ်ရေးအချက်အလက်များအကြောင်း သီးသန့်ဖော်ပြထားချက်များ ပါရှိပြီးဖြစ်ပါသည်။

မေး။ ။ မူပိုင်ခွင့်ဆိုတာဘာလဲ။

ဖြေ။ ။ U.S Copyright and Trademark Laws နှင့် Berne Convention တွင် ပါဝင်သော နိုင်ငံများ၏ မူပိုင်ခွင့်ဥပဒေများက မူရင်းစာရေးသူကို အပြည့်အဝ ကာကွယ်ပေးထားမှုလို့ အကျဉ်းရုန်းခေါ်ဆိုနိုင်ပါတယ်။ မူရင်းစာရေးသူထံ၌သာ အခကြေးငွေ အကျိုးခံစားခွင့်အပြည့်အဝရှိပါတယ်။ မူပိုင်ခွင့်ကို ချိုးဖောက်ပါက နိုင်ငံတကာတည်ဆဲဥပဒေများအရ ချိုးဖောက်သူကို တရားစွဲဆိုနိုင်ပါတယ်။ သို့ရာတွင် စာဖတ်သူပရိသတ်(များ)မှ မူရင်းစာရေးသူ၏ စာပေများကို ကြိုက်နှစ်သက်၍ ပြန်လည်မွမ်းမံဆန်းသစ်ခြင်း (ဘာသာပြန်ဆိုခြင်းအပါအဝင်) တွင်မူ မူပိုင်ခွင့်ဥပဒေနှင့် ငြိစွန်းနေသော်လည်း အခကြေးငွေရယူခြင်းမဟုတ်ခဲ့ပါက မီးခိုးရောင်နယ်မြေတွင်း၌ ရှိနေပါသည်။ မူပိုင်ခွင့်ကိုင်ဆောင်ထားသူ မူရင်းစာရေးသူက တရားစွဲဆိုနိုင်သော်လည်း တရားရုံး၏ အဆုံးအဖြတ်ပေါ်တွင် အများကြီးမူတည်ပါသည်။ များသောအားဖြင့် ငွေကြေးရယူခြင်းမဟုတ်သော ပြန်လည်မွမ်းမံဆန်းသစ်ခြင်းများကို မည်သူမျှအချိန်ကုန်ခံပြီး တရားစွဲဆိုခြင်းမရှိကြပါ။ သို့သော် ပြန်လည်မွမ်းမံဆန်းသစ်ခြင်းကို တရားဝင်မူပိုင်ခွင့် စာရွက်စာတမ်းများဖြင့် တောင်းယူထုတ်ဝေပါက ပြန်လည်မွမ်းမံဆန်းသစ်ခြင်း ထုတ်ဝေသူက မူပိုင်ခွင့်ချိုးဖောက်သူများကို တည်ဆဲဥပဒေများအရ တရားစွဲဆိုနိုင်ပါသည်။